Posted by: magdyzone | 9 نوفمبر 2013

عزيزي “موظف الشهر العقاري”

عزيزي موظف الشهر العقاري
تحية طيبة وبعد

مقدمه لسيادتكم / مواطن مطحون اجبرته الظروف على التعامل مع شخصكم واعيته الحيل في تجبنكم وقد بذل كل المساعي الودية  لتجنب السير محاذاة المحاكم ويخشي ان يطأ ظل مكتب التوثيق المسجى على اديم ارض المحروسة

الموضوع

معاليك لازم تعرف ان المواطن اللي بيروح يقضي خدمه في الشهر العقاري ده اكيد واحد واقع في مصيبه او خايف من وقوع في مصيبه، يعني لو الدنيا ماشية في امان وانت قاعد في شغلك على مكتبك بتحتسي النسكافيه بتاعك مكانش لجأ لفخامتك ووقف قدام معاليك ويستسمحك عشان تخلص له مصلحته سواء كان توكيل بيعمله كي يأمن مشكلة اوشكت على الوقوع او انه بيلغي توكيل كان عامله لواحد ابن حرام وخان الأمانة وباعه
قصدي من الاخر لازم تقدر حالة الناس وما تعيشي على الناس الغلابة واوعى كرسيك يغرك وتفتكر نفسك رجل مهم او انك سيدة المهام الصعبة وحط في اعتبارك انك موظف مكلف من قبل الدولة اللي معيناك وتديك مربت اخر كل شهر عشان تخدم المواطنين اللي بيلجئو لك عشان تقضي مصالحهم وانك مش صاحب محل بقاله عشان تقول للناس فوت علينا بكره او تعالى تاني يوم من اخر الدنيا عشان تستلم صورة التوكيل او الموظفين في المأمورية واخدين اجازة او ان مفيش حد قاعد فترة مسائية وان العدد الموظفين اقل من المواطنين طالبي الخدمة ومش ملاحقين، كل ده. المواطن ملوش فيه – ادام بيجيلك طالب خدمة وبيدفع رسمها يبقى مش من حقك تعطل له مصالحه وكون بقى المرتب تعبان والشغلانه مش جايبه همها؛ احب اقولك: مش عجباك سيبها لغيرك يشغلها احسن منك، ولما حد يروح يشتكيكم في التفتيش الفني في مصلحة الشهر العقاري
(في الإسعاف على فكرة) تيجو توسطو طوب الأرض عشان نتنازل عن الشكوى
اتقوا الله في مصالح العباد، اللي داخل الشهر العقاري مجبر مش بكيفه وظروفه طحناه، ومهما كان مستواه المادي او الإجتماعي، احترام الناس واجب عليك كبني آدم (بكيفك او حتى غصب عنك) مش تنازل ومنّه وتكرم وتعطف من معاليك

رأفةً بالناس – اقضوا حوائج الناس، يقضي الله حاجاتكم

Advertisements

اترك رد

Please log in using one of these methods to post your comment:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

التصنيفات

%d مدونون معجبون بهذه: